Nagapatigayon na sang inspection ang personnel sang Negros Electric and Power Corporation (NEPC) halin sa sub trans padulong sa substations sang kuryente agud nga masiguro nga wala sang magluntad nga brown-out sa tion sang 2025 Midterm Elections.
Sa press conference, ginpahayag ni NEPC President Roel Castro, makig-angot sila sa Commission on Elections (COMELEC) agud nga matsekyar ang mga eskwelahan nga patigayunan sang pagboto sang mga registered voters.
Suno kay Castro, kinahanglan nila nga inspeksyunon ang mga linya sang kuryente agud nga masiguro nga clear ini kag siguruhon man nila nga inspected man ang mga electric transformers.
Suno diri, magapahamtang man sila sang mga personnel sang NEPC sa mga eskwelahan sa tion mismo sang election day agud nga madasig nga marespondehan kun may kinahanglan marespondehan.
