Ginkumpirmar sang Vice President and Chief Operating Officer sang Negros Power indi anay magpatigayon sang disconnection kasunod sang mando sang Philippine Energy Regulatory Commission (ERC) nga nationwide suspension sang power disconnections sang residential and non-residential consumers galin Mayo tubtob Hulyo 2026.
Sa interview sang Bombo Radyo Bacolod kay Engineer Joe-mel Zaporteza, ang Negros Power ang magasunod sa mando sang ERC nga indi magpatigayon sang disconnection sang nasambit nga billing period.
Suno kay Zaporteza, kun ang kunsumidor ang makabaton sang bill subong nga bulan kag maalang-alang sila sa pagbayad, indi pa ang mga ini mautdan sang connection sang kuryente.
Apang gin-athag sini nga ang mga Bill sang April kag sang nagligad pa nga binulan ang indi covered sang suspension sang disconnection gani mapatuman sila sang disconnection para sa mapatuman ang pagbayad sang wala nabayran nga collection.
Nagpanugyan man si Zaporteza sa publiko nga apisar nga may ginapatuman nga disconnection suspension kun may ikasarang nga magbayad, ibayran nalang ang bill para sa padayon nga operasyon sang utility.
Samtang, ginpahayag man sini nga ang mga late nga nagbayad sang bill sang kuryente ang may yara sang surcharge nga ginapatuman ang Negros Power.
Dugang pa sini nga santo man sa advisory sang ERC ang mga consumers nga nagakonsumo sang 200 kilowats panubo ang mahimo makaapply sang installment payment tubtob sa tatlo ka bulan.
