Ginapahibalo sang Negros Electric Power and Corporation (NEPC) sa mga consumers nga may yara sang natalana nga power interruption subong nga adlaw, Mayo 31, 2025.
Sa interview sang Bombo Radyo Bacolod kay Engr Leomel Tambanillo, Assistant Vice President for Planning and Business Operation sang Negros Power, ang schedule power interruption ang kabahin sang 5-year rehabilitation kag modernization plan sang Negros Power agud malikawan ang mga wala ginalauman kag mas lapnagon nga power interruptions kag mangin reliable ang distribution system sang aton elektrisidad.
Suno kay Tambanillo, sa nagaluntad nga power interruptions agud nga pang-islan ang mga power transformers nga overloaded na kag wala na ginahulat nga maglupok pa nga makaresulta sang mas dako nga epekto sa mga consumers.
Suno kay Tambanillo, subong nga adlaw natalana ang power interruption sa Talisay Feeder 3 halin alas 8:00 ang takna sa aga tubtob alas 5:00 ang takna sa hapon.
Ang apektado amo ang Sitio Mambukano padulong sa Almadria Resort, Brgy. Cabatangan, Talisay City, Negros Occidental.
Samtang sa Domingo naman Hunyo 1, may natalana man nga power interruptions kag ang rason sini ang pag-ilis sang pin insulator kag installation sang rubber insert, installation sang SCO on lateral, bail camps installations & installation sang distribution sang transformer bushing covers.
Alas 8:00 ang takna sang aga tubtob alas 5:00 ang takna sang hapon ang apektado amo ang Lopez Feeder 3 kun sa diin sakop ang Provincial Hospital, Bagul, Adela, Lugway, Hawaiian Central, Silay, Brgy. Balaring, Sitio Bungol, Sitio Mambag-id, SitioBeraño, Brgy. Lantad, Tierra Felisa Subd. 1&2, Mallery Subd., Hda. Nelly.
Samtang alas alas 8:00 ang takna sa aga tubtob alas 12:00 ang takna sa udto apektado ang portion sang Lopez Feeder 2A kun sa diin sakop ang Dona Monserat School, Olaybar St, Villa Hergon, Alida Subd, Hda. Matagoy, Bonifacio St, Rizal St. , Gomez St, portion going to Market.
Apektado man ang portion sang Lopez Feeder 2B nga ginalakipan sang Burgos St., Antonio Luna, Loney St., Boulevard St., Sitio Barra, Ipil-Ipil St., Bonifacion St., Antilla Subd. – Zone 1; Portion of Brgy. Mambulac, Barra, City Engineers Office, kag Silay City Hall.
