Nagapangayo sang pasaylo ang pamunuan sang Negros Electric and Power Corporation (NEPC) bangud sa magluntad nga emergency power interruptions.
Sa interview sang Bombo Radyo Bacolod kay Engr. Leomil Tambanillo, Asstistant Vice President for Planning and Business Operations sang Negros Power, sang Enero 5 may ginschedule sila nga power maintenance sa Murcia Substation bangod may nakita nga hotspots nga dapat nga correctionan.
Suno kay Tambanillo, ang mga hotspots ang ila nga term nga ginagamit sa pagtumod sa mga nagabaga nga alambre bangud sa tama na kataas nga temperatura.
Suno diri, kun indi ini macorrectionan mabugto ini kag magatuga sang malawig kag malapad nga power interruptions.
Samtang naapektuhan man ang mga konsumidores sang Alijis Feeders 1 tubtob 5 bangud kinahanglan nga magtransfer sang load gikan sa Murcia substation padulong sa Alijis.
Suno kay Tambanillo, sa tion sang transfer of load may linya nga kinahanglan patyon gani nagatuga sang power interruptions.
Ginpahayag man sini nga kinahanglan magload transfer samtang ginapatigayon ang scheduled maintenance agud nga maminimize ang mga naapektuhan sang power interruptions.
Nagapasalamat ang Negros Power sa mga kunsomidor sa paghangop sa ila apisar sa mga power interruptions.
Nagapangayo man ini sang dugang nga paghangop bangud madamo pa sila sang kinahanglan nga kay-uhon nga mga linya nga posible makatuga sang power interruptions.
