Ginkumpirmar sang Asst. Vice President for Planning & Business Operation sang Negros Electric and Power Corporations (NEPC) nga wala sang scheduled power interruptions sa paskwa kag New Year.
Sa interview sang Bombo Radyo Bacolod kay Engr. Leomel Tambanillo, wala sang schedule maintenance ukon rehabilitations sa December 24 tubtob sa New Year.
Suno kay Tambanillo, may yara naman sila sang contigency plan nga gindihon para sa mga wala ginalauman nga mga power interruptions.
Suno diri may assigned na nga mga tawo nga magaduty halin alas 10:00 ang takna sang gab-i karun December 24 asta na sa alas 2:00 sang kaagahon December 25.
Ginpahayag man sini nga yara man Engr. Bernard Bailey Del Castillo, ang COO sang Negros Power kag mga executive officers agud nga magmonitor sang operasyon.
Ini agud nga masigurado nga marespondehan gilayon kun may yara gid man sang magluntad nga wala ginalauman nga power interruptions sa pagselebrar sang paskwa.
Panugyan ni Tambanillo nga likawan ang paggamit sang Octopus connections ilabi na nga madamo sang kinahanglan nga isaksak kaangay sang Christmas lights subong nga holiday season.
