Nakaumpisa na sa pag-upgrade ang Negros Power Corporation sa mga electrical equipments sa karun nga mainit na ang tiyempo.
Sa interview sang Bombo Radyo kay Engr. Leomel Tambanillo, Assistant Vice President for Planning and Business Operations, napang-islan na ang mga daan nga power transformers kag mga conductors sang mas mabakod bilang preparasyon sa ginalauman nga mataas nga demand para sa tig-ilinit.
Suno diri, padayon man nila nga imonitor ang loading sa mga distribution transformers.
Apang pahayag ni Tambanillo, bisan madamo na sang napang-upgrade madamo pa gid sang dapat nga irehabilitate.
Nagpanugyan naman ini nga maghalong sa paggamit sang mga appliances kag siguraduhon nga sarang sang wirings nga makadala sang load sang kuryente nga kinahanglan agud malikawan ang mga sunog.
