Nagtipon ang komunidad sa Sydney para maghatag respeto sa mga biktima sang makasilidni nga landslide kag pagbaha sa rehiyon sang Nepal-China.
Nagpasindi ang mga ini sang yellow nga mga kandila kag nag-obserbar sang isa ka minuto nga pagpangamuyo.
Indi man mahapos ang ginapatigayon nga rescue operations bangud sa nagapadayon nga mabaskog nga pag-ulan nga ginakahangaw-an nga magatuga naman sang pagbaha.
Ang mga Nepali sa Sydney nagpahayag sang ila kasubo, paglaum, kag simpatiya para sa mga pamilya nga nadulaan sang ila mga pinalangga sa kabuhi.
Samtang nagdangat na sa 682 ang numero sang mga tawo nga napatay bangud sang makamamatay nga baha sa Nepal.
Magluwas sa mga napatay, malapit 3,000 ka iban pa ang nagapabilin nga missing sa diin 517 ang foreigner.
Suno sa report nga naghingyo na ang gobyerno sang Nepal sang specialist nagikan sa India kag China agud magbulig sa pagpadasig sang rescue operations.
Pahayag naman sang finance minister sang Nepal nga magakinahanglan sila sang $4 billion tubtob $5 billion agud matukod liwat ang komunidad nga ginguba sang baha.
