Nagpasalig ang Negros Electric and Power Coporation (NEPC) sang padayon nga serbisyo sa karun nga madamo sang nagaekspereyensya sang power outage.
Sa interview sang Bombo Radyo kay Engr. Leomel Tambanillo, Asst. Vice President for Planning and Business Operations sang Negros Power, kahapon madamo sang area ang nadulaan sang kuryente.
Suno diri, may yara sang naapektohan sa Brgy Mansilingan, Brgy Alijis kag Brgy Sum-ag sa ciudad sang Bacolod, samtang apektado man ang banwa sang Murcia, ciudad ang Bago kag ilabi sa tanan amo ang sa bahin sang ciudad sang Silay kag Talisay.
Suno kay Tambanillo, nagtrip-off ang Bacolod- Silay 69KV line kapin alas- 2:00 sang hapon kahapon kag nangin madugay ang pagpangita sang fault sa linya bangod sa maulanon nga panahon.
Nakita nga ang trip-off ang bangod sa insulator nga nadamaged kag ini ang nahamtang sa tunga sang kampo.
Pahayag sini, may yara sang augmentation sa manpower para magrespond sa tanan nga affected areas kun sa diin 16 ka team ang gindeploy.
Ila naman ginaprioritize ang mga area nga may madamo sang naapektohan apang nagpasalig ini nga wala sila naga-untat sa pagrepair tubtob nga mahatagan sang kuryente kag maayo nga serbisyo ang mga kunsomedor.
