Ginpahayag naman sang spokesperson sang Negros Electric and Power Corporation (NEPC) nga indi pa sila fully operational bangud yara pa sila sa transistion period sa pihak sang pag-aprubar sang presidente sa Republic Act 12011.
Sa interview sang Bombo Radyo Bacolod kay Jonathan Cabrera spokesperson sang Negros Electric and Power Corporation (NEPC), yara sila sa transistional period sa karun.
Suno kay Cabrera, antes mangin fully operational ang NEPC, ginahulat pa nila ang Certificate of Public Convenience and Necessity ukon CPCN nga nagikan sa Energy Regulatory Commission (ERC).
Gin-athag man sini nga sa Central Negros Electric Cooperative sagihapon magabayad ang mga kunsumidor sang ila bill bangud ang biller ang nasanmbit nga distributor company.
Apang sumugod subong nga adlaw agud nga indi na mabudlayan ang mga kunsumidor nakasugtan sang CENECO kag NEPC nga mahimo na makabayad sang electric bills sa opisina sang NEPC sa may Robinsons East.
Ini agud nga mabuhin buhinan ang kabudlayan sang mga kunsumidor.
Samtang ang mga empleyado sang CENECO ang sa idalom na sang NEPC sumugod kahapon.
