Gin-athag sang tagpamaba sang Negros Electric and Power Corporation (NEPC) nga wala pa nila na-implementar ang 5-year rehabilitation plan bangod Agosto 1 lamang sila nakatake-over sa power distribution utility.
Sa interview sang Bombo Radyo Bacolod kay NEPC Spokesperson Jonathan Cabrera, ang mga facilities kag equipment sa karun nga naga-operate ang iya pa sang Central Negros Electric Cooperative (CENECO).
Sa 5-year rehabilitation plan ang NEPC ang nagbubo sang P2 billion nga capital outlays agud makay-o ukon ma-islan ang mga tuman na ka daan nga mga equipments kag pasilidad.
Santo sa plano, sila ang maga-umpisa sa full rehabilitation sa bulan sang Setyembro ukon Oktobre bangod sa karun sila ang wala pa nahatagan sang Certificate of Public Convenience and Necessity (CPCN) sang Energy Regulatory Commission (ERC).
Paathag ni Cabrera nga tanan nga substation ang nagakinahanglan sang rehabilitation kag ma-islan sang mga poste, wiring kag transformers.
Suno diri, ang power transformer sang Alijis Substation ang irecondition pa nila kuntani, apang na-una na nga nagcollapse.
Pahayag sini nga sila ang nagahimo sang temporary measure agud mabalik ang power supply sa mga apektado nga lugar.
Gin-athag man sini nga ang NEPC ang nagsulod sa joint venture agreement (JVA) agud magpakahapos, sa baylo sila ang yara agud maghatag solusyon sa problema.
Ini bangod ang CENECO ang wala na sang pondo nga magamit agud makay-o ukon maislan ang mga daan na nga pasilidad kag equipments.
