Padayon ang pagtrabaho sang Negros Electric and Power Corporation (NEPC) sa pagrestore sang kuryente sa tanan nga nag-eksperyensya sang power interruptions.
Sa interview sang Bombo Radyo Bacolod kay Engr. Leomel Tambanillo, assistant Vice President for Planning and Business Operations sang Negros Power, madamo sang ginrespondehan ang NEPC nga mga damages sa kuryente.
Suno diri, 24 oras ang trabaho sang NEPC samtang may yara na sang augmentation nga ginpadala agud mapadasig ang power restoration.
Wala man untat ang trabaho sang quick response team kag area coordinators kasubong man sang mga inspectors nga nagasurvey sa mga linya sang kuryente nga ginareklamo sang mga konsumedor.
Naeksperyensyahan ang power interruptions sa bahin sang Murcia padulong sa Salvador Benedicto nga linya, sa San Enrique, Bago City, Talisay City kag ciudad sang Bacolod sa bahin sang Brgy Sum-ag, Mansilingan, Granada, Punta-taytay, Pahanocoy kag iban pa.
Kalabanan sa mga rason diri amo ang pagkaguba sang mga insulator kag mga kahoy nga nagkalatumba nga nag-utod sa mga kuryente.
Ini tanan ang bangod sa makusog nga hangin nga dala sang bagyo Kristine.
Pahayag ni Tambanillo, ila lamang ginapangayo ang pag-intindi nga madamo sang dapat nga kay-uhon apang ini ila tanan respondehan.
