Nagsaka sang gamay ang net satisfaction rating ni Vice President Sara Duterte sang Hunyo 2026 antes ang iya natalana nga impeachment trial sa Senado santo sa Social Weather Stations (SWS) survey nga ginpagwa kahapon, Huwebes.
Sa survey nga gin-conduct sang Hunyo 20 tubtob 29, natukiban nga may yara sang 58 percent ka mga adult Filipinos ang kumporme kag kuntento sa performance ni Duterte, samtang 26 percent naman ang indi kumporme.
Ini ang nagresulta sa net satisfaction rating nga +31, nagdugang sang duha ka puntos humalin sa +29 sang Marso 2026.
Nagpabilin nga maatas ang rating sang bise presidente sa Mindanao nga may +84, nga ginasundan sang Visayas nga may +36, samtang +10 naman sa Luzon, kag nagpabilin naman nga neutral ang Metro Manila sa +3.
Madumduman nga gin-impeach sang House of Representatives si Duterte sang Mayo sa mga alegasyon may kaangtanan sa misuse of confidential kag intelligence funds, assasination threat batok sa Presidente, first lady, kag anay House Speaker, kasubong man ang ginaalegar unexplained wealth.
