Naglab-ot sa P98.66 milyon ang gin-upod nga net worth nanday Vice President Sara Duterte kag Mans Carpio sang 2025, mas mataas sang 11.46 percent kun ikumpara sa ila gindineklara nga P88 million sang 2024, base sa ila nga Statement of Assets, Liabilities and Net Worth (SALN).
Narecord man ang pagsaka sang ila kabug-usan nga assests sa P122.8 milyon, kalakip ang mga real kag personal properties.
Nalakip man sa mga bag-o nga gindeklarar nga propidad ang isa ka condominium unit sa San Juan City kag isa ka commercial building sa Davao City.
Samtang, nagdangat sa P24.14 million ang ila kabug-usan nga liabilities sang 2025, mas sobra pa sang sa narecord nga P9 million sang nakaligad nga tuig.
Nagdeklarar man ang mag-asawa sang napulo ka mga business entities sa ila nga SALN.
