Natumod na sang Binalbagan Municipal Police Station ang netizen nga nagpost sang pamahog kay Vice President Leni Robredo antes ang iya nga pagbisita sa Negros Occidental kahapon.
Santo sa post sang Balbal Binalbagan Shoutout, ginpahayag sini nga handa na ang acido nga isabya sa bise presidente agud nga makabalos ang BBM supporters sa paghaboy sang flyers sa anay senador sa caravan sa Talisay.
Sa interview sang Bombo Radyo kay Police Major Ellendie Rebusquillo, hepe sang Binalbagan Municipal Police Station, nagpahibalo ang mga barangay officials angot diri gani gilayon nga ginpadulungan sang imbestigador ang balay sang netizen bangud kilala ini sang iban nga residente sang Binalbagan.
Suno kay Rebusquillo, menor de edad ang Facebook user.
Ginlaygayan naman ini sang imbestigador angot sa kaso nga iya atubangon bangud sa pagpost sang threat.
Subong, deleted na ang post ni Balbal Binalbagan Shoutout.
