Nag-ako na ang New People’s Army nga sila ang nagpatay sa magtiyo sa Sitio Ikugan, Barangay Minapasuk, banwa sang Calatrava sang Miyerkules sang kaagahon, Agusto 9.
Santo sa statement nga ginpagwa sang NPA, ila ginpahayag nga sila ang nagpatay kanday Felix kag Eliseo Resutai sa ila mismo nga ugsaran.
Ginpagwa naman sang Negros Occidental Police Provincial Office ang kopya sang warrant of arrest nga igaserbe kuntani sang mga pulis batok kanday Darry Dayawan, Charity Amacan, et al. nga nagapangatubang sang kaso nga murder nga pirmado ni Judge Arville Guyod Delgado sang Regional Trial Court Branch 57 San Carlos City nga napetsahan Pebrero 18 tuig 2022.
Ang isa ka warrant of arrest ang may kaangtanan sa violation sang RA 9516 ukon paghupot sang explosives nga pirmado ni Judge Arville Guyod Delgado sang Regional Trial Court Branch 57 San Carlos City nga napetsahan Nobyembre 22 tuig 2020.
Suno kay NOCPPO spokesperson Police Capt. Judesses Catalogo, ang pagrelease sang statement nga sila ang may kahimuan sa ambush ang nagapakita lamang nga nahadlok sila maggwa.
Suno kay Catalogo, pamatuod lamang ini nga may yara sang joint military and police operation sa lugar antes ang ambush.
Nagpalab-ot liwat ang NOCPPO sang simpatiya sa pamilya sang magtiyo nga Resutai nga ginpatay sang mga rebelde.
Suno diri, nagapakita lamang ini nga sila ang desperado na nga maghimo sang kalakasan.
Suno sa iya, may kaangtanan sa pulitika ang natabo bangud nagahilapit na ang Barangay and Sangguniang Kabataan elections kag luyag man sang mga ini nga makakuha sang pwesto sa gobyerno.
