Ginapangabay sang acting mayor sa ciudad sang Bacolod nga magdasig pa ang pag-umwad sang ekonomiya sa ciudad kag sa probinsya sang Negros Occidental sa 2024.
Sa interview sang Bombo Radyo Bacolod kay Bacolod City Vice Mayor El Cid Familiaran, kun tayuyon ang pag-uswag sang ekonomiya, madamo man sang mahatag nga trabaho.
Pangabay sini nga kadungan sa bag-ong tuig, makarecover naman ang mga hog raisers nga nahalitan sang African Swine Fever (ASF) kasubong man ang mga negosyo nga namierdihan bangod sa COVID-19 pandemic.
Nagalaom si Familiaran nga sa pagbangon sang mga ini, sila ang makahire man sang dugang nga mga empleyado.
Apang magluwas dira, pangabay ni Familiaran ang masadya kag progresibo nga pagpangabuhi para sa tanan sa palaabuton nga 2024.
