Nagdaog ang New York Knicks sa ninth straight game matapos nga ginlutos sini ang Utah Jazz sa score nga 119-103 sa game nga ginpatigayon sa Madison Square Garden.
Naghampang ang Knicks nga wala ang ila star guard nga si Jalen Brunson kag backup playmaker nga si Deuce McBride, apang apisar sini nangin maayo ang performances nanday Karl-Anthony Towns kag Josh Hart.
Naka-angkon sang 31 points, 21 rebounds kag four assists si Towns samtang si Hart naman naka-angkon sang 15 points, 14 rebounds kag 12 assists.
Bangod sa pagdaog sang team, nagsaka ang Knicks sa 24-10 sa sini nga season samtang ang Jazz naman ang nanaog sa 7-25 kag napierde ang ila ikalima nga game.
Ang masunod nga maatubang sang team amo ang Oklahoma City Thunder nga may 12-game winning streak nga amo ang pinakamalawig nga winning streak sa league.
