Ginpatpat sang newly appointed City Administrator sang ciudad sang Bacolod ang mga plano sang administrasyon ni mayor Greg Gasataya para sa ciudad.
Sa interview sang Bombo Radyo kay Atty Mark Mayo, plano sini sa karun nga bisitahon ang tatlo ka dalagko nga mga merkado sa ciudad nga ginabug-usan sang Burgos Market, Libertad Market kag Central Market agud lantawon ang sitwasyon.
Suno diri, maga-focus sila sa physical nga mga kalay-ohon kasubong man nga lantawon nila kun ano ka convenient ang merkado sa mga vendors kag mga customers.
Isa pa gid sa tuyo sini nga makay-o amo ang ilinaway sang mga vendors kun sin-o ang lawful nga mga occupants.
Dugang pa ni Mayo, tutokan man ang mga problema sa kada departamento sa city hall agud masturyahan.
Pasalig ni Mayo nga ihatag sa mga pumuluyo ang serbisyo halin sa gobyerno.
