Nangin emosyonal ang pagbalik ni newly appointed Negros Oriental Governor Carlo Jorge Joan “Guido” Reyes sa Provincial Capitol matapos ang iya nga medical leave kahapon.
Wala napunggan sang gobernador ang pagtulo sang luha samtang nagasandig sa standee sang iya predecessor, ang ginpatay nga si Governor Roel Degamo.
Sa paos nga tingog, ginpromisa ni Reyes nga maga-isa ang board members, vice governor kag siya bilang gobernador para sa mga pumuluyo sang Negros Oriental.
Nahibaluan nga si Reyes, nga kaalyado ni Governor Degamo ang nagapungko bilang Bise Gobernador antes ang nagluntad nga assassination sang Marso 4, kag ini ang nag-take oath naman bilang Gobernador sang Marso 6.
Pasalig naman sini sa mga pumuluyo sang Negros Oriental nga ipadayun sini ang mga naumpisahan sang nagtaliwan nga gobernador.
