Ginaduso man sang Newton-Camingawan-Para Farmers Association sa ciudad sang Bago nga dapat masulod na ang National Food Authority kun magdeklarar ang mga traders sang STOP BUYING sa tion nga indi magpasugot ang mga mangunguma nga manubo pa sa P18 ang baklanay sang kada kilo sang humay.
Sa interview sang Bombo Radyo kay Myrna Perez Villa, chairman sang Newton-Camingawan-Para Farmers Association, P19 ang pamakal sang NFA gani kun magnubo pa gid ang presyo, magapangayo na ang mga ini sang bulig sa NFA nga sila nalang ang bakal.
Bangud sa executive order nga gin-issue ni President Bongbong Marcos, nagnubo man ang bakal sang mga miller sang humay.
May nagpanubo na sa P18 samtang ang iban ang nagdeklarar sang STOP BUYING kun indi sila magbaligya sa presyo nga P18.
Suno diri, kuntani magapakita na subong ang NFA nga may yara sila sang paagi agud nga makabulig ang gobyerno sa mga mangunguma.
Sang tinalikdan suno sa iya, malipayon na kuntani ang mga mangunguma bangud tag-P22 tubtub P21 ang presyo sang humay apang bangud sa EO nga nagatalana sang price ceiling, may trader nga nagabakal nalang sang P18.
