Sa Kadiwa Centers natalana nga ibaligya sang Bacolod City ang mga bugas gikan sa National Food Authority (NFA).
Sa interview sang Bombo Radyo Bacolod kay Councilor Jude Thaddeus “Thaddy” Sayson, chairperson sang Committee on Agriculture and Fisheries sa Sangguniang Panlungsod, 8,000 ka sako sang bugas ang alokasyon sa ciudad kada bulan.
Sa guidelines sang Department of Agriculture, ang local government unit ang magakuha sang permit gikan sa Food Terminal Incorporated (FTI).
Kun makompleto na ang requirements, ini ang ikoordinar sang FTI sa NFA agud madownload ang bugas.
Paathag ni Sayson nga duha ka kooperatiba ang gintap nga mangin incharge sa distribusyon.
Sa karun gina-obrahan na sang guidelines ang distribusyon agud maseguro nga may limit ang pagbakal kag indi nga isa ka pamilya lamang ang magabalik-balik.
Magatukod sila sang Kadiwa Centers sa nagkalainlain nga Barangay, kag suno diri mahimo nga mabatun na nila ang permit sa masunod nga semana.
