Nagpasalig ang National Food Authority (NFA) nga may bastante nga buffer stock sang humay para sa karun nga tuig.
Sa interview sang Bombo Radyo kay NFA-6 OIC Regional Manager Herrielle Jumagbas, handa sila inkaso nga may natural calamity kag emerhensya para gamiton ang buffer stock.
Sa idalum sang Rice Tariffication Law (RTL), wala na sang authority ang NFA nga mag-import sang bugas.
Suno kay Jumagbas, makabakal sila sang humay derekta sa mga farmers kag sila ang nagabaligya sa Kadiwa stores.
Diri sa ciudad sang Bacolod, ang NFA rice ang nagapabilin sa presyo nga P29 kada kilo apang suno kay Jumagbas, wala nagapareho ang presyo sang NFA rice sa kada probinsya.
Pahayag sini, positibo ang presidente sang Pilipinas nga mahatag ang husto nga presyo sang bugas sa mga konsumedor.
