Nagpagwa sang correction ang Philippine Army angot sa ngalan sang isa sa tatlo ka miyembro sang New People’s Army nga napatay kadungan sang engkwentro sa Sitio Natuling, Barangay Budlasan, Canlaon City, Negros Oriental kahapon sang aga.
Kagab-i, ginpahayag sang 62nd Infantry Battalion nga ang mga biktima amo sanday Cristina Jacolbe alyas Chave, 40 anyos, finance officer sang Central Negros 1; Ernie Jacolbe alyas Frezy, 42 anyos, vice commanding officer sang Section Guerilla Unit sang Central Negros 1; kag Everly Kee Jacolbe alyas Kaye, 18 anyos kag ordinaryo nga miyembro sang Central Negros 1.
Apang kaina sang aga, ginpahayag ni 62nd IB commander Lt. Col. William Pesase nga indi si Ernie Jacolbe ang napatay kundi si Roldan Montero nga may existing warrant of arrest bangud sa illegal possession of firearms.
Suno kay Pesase, may himata ni Montero nga nagkumpirmar sang matuod nga identity sang napatay.
Suno sa Army official, anay rebelde ang nagpahayag nga si Ernie Jacolbe ang isa nga napatay bangud nakita niya sa encounter site apang pareho lang gali ang ila itsura ni Montero kag mahimo nga nakapalagyo si Jacolbe.
