Patigayunon na karun sa hapon ang raffle sa makakuha sang pwesto sa annex building sang Libertad Public Market nga pagapasakupan sang 287 ka partisipante.
Suno kay Bacolod City Administrator Atty. Pacifico Maghari III, sila ang nagpatigayon sang local market committee meeting kag ini ang subject na para sa final checking sa treasurer’s office kun may-ara pa sang mga nagremit sang payment nga wala sa listahan.
Paathag sini nga pila na ka semana nga napost sa sulod sang Libertad Public Market ang announcement kag yara na lamang sa 90 ang nabilin nga available nga pwesto.
Suno kay Maghari, ang mga partisipante ang may-ara sang one is to three nga tyansa nga makaangkon sang pwesto samtang may-ara sang 24 ka mga stalls nga okupado na.
Apisar nga wala nalakip sa gindiskusyunan, ginpahayag ni Maghari nga nagapangita naman si Bacolod City Councilor Celia Flor, ang chairperson sa committee on markets sa Sangguniang Panlungsod sang pwesto nga mahamtangan sang night market agud nga indi magtuga sang konflikto.
Samtang ang mga indi makakuha sang pwesto sa merkado ang mahimo naman nga amo ang pagahatagan sang tyansa nga makabaligya sa night market.
