Ginkumpirmar sang Bacolod City Police Office nga may ngalan sang mga tawo nga nakasulat sa papel nga naapid sa utod nga mga tiil nga nakit-an sa CL Montelibano Avenue, Barangay Villamonte, ciudad sang Bacolod kaina sang kaagahon.
Sa interview sang Bombo Radyo kay Police Col. Thomas Joseph Martir, ginatutukan sang Bacolod Police Station 4 ang imbestigasyon sa kaso.
Suno kay Martir, may ngalan sang mga indibidwal nga nakasulat sa papel nga naapid sa utod nga mga tiil apang indi pa niya mahambal kun pila ka bilog.
Indi pa man makahambal si Martir kun ano ang buot ipalab-ot sang mga nagbilin sang mga tiil.
Sang bulan sang Enero, may utod man nga duha ka kamot nga ginbilin sa Purok Kagaykay, Barangay 2 apang wala pa nakilala kun sin-o ang gin-utdan sini, gani indi madula suno sa iya ang posibilidad nga isa naman ini ka pagpamahog.
