Igapatuman ni Bacolod City Mayor Alfredo Benitez ang ordinansa nga magabutang sang Night Market sa Amelia Street, Bacolod City agud mahatagan sang lugar ang 832 ka mga vendors nga nagaplastar sa kilid sang dalan sa Libertad Market.
Suno kay Benitez, nagpatigayon sang road construction ang Department of Public Works and Highways kag naigo diri ang mga manugbaligya sa Amelia Street.
Bangod nga may yara naman sang Night Market ordinance, nagdesisyon si Benitez nga iimplementar ini.
Sa 3,544 ka vendors nga naregister kag naencode sang ciudad, 832 ang wala nahatagan sang stall.
Sa idalom sang Night Market Ordinance, magasugod alas-6:00 sa gab-i tubtob alas-5:00 sa kaagahon ang pagbaligya.
Suno kay Benitez, ini ang oras nga ginhatag bangod sirado na ang iban nga market kag maligwa ang trapiko.
Pahayag sang alkalde, dapat dugay na nga gin-expand ang merkado sa Bacolod apang ini ginpabay-an lang kag sa karun nagdako na ang populasyon sang mga vendors.
