Ginselebrar sang Federation of Urban Poor (FED UP) ang 41st death anniverary ni the late Senator Benigno “Ninoy” Simeon Aquino Jr. subong nga adlaw apisar nga gin-idog ni President Ferdinand Marcos Jr. ang komemorasyon sang Ninoy Aquino Day sa Biyernes.
Kaina sang aga, tanan nga miyembro sang FED UP nagsuksok sang yellow nga tshirt, may yellow nga ribbon sa natuo nga kamot kag nagtipon-tipon sa Lupit Chruch para mag-attend sang misa.
Matapos sini, iban sa mga miyembro ang nagpatigayon sang peace walk padulong sa monumento ni Ninoy Aquino sa Araneta St, kag naghalad sang bulak.
Sa interview sang Bombo Radyo kay Joy Jarabelo, provincial coordinator sang FED UP, luyag nila nga ipalab-ot kag Ninoy ang ila pagpasalamat sa panindugan sini sa husto kag matarong.
Kasubong man nga ila ginapasalamatan ang tanan nga Pilipino nga padayon nga nagalantaw sa ehemplo ni Ninoy.
Dugang pa sini, nagapamatok ang FED UP sa Philippine Offshore Gaming Operators (POGO) kag sa tanan nga illegal kag sala nga nahimo sa pag-operate sini.
Ginpanawagan man sang ogranisasyon nga Pilipino ang nagapang-iya sang West Philippine Sea bangod ang Pilipinas ang para sa Pilipino lamang.
