Nakaabot na ang mga delegasyon sang Negros Island Region kag sang Western Visayas sa Agusan Del Sur pila ka adlaw antes ang Palarong Pambansa 2026.
Sa report ni Bombo Arjay Casipe, ara na sa Agusan Del Sur ang masobra sa 900 ka delegado sang NIR samtang sobra naman sa isa ka libo ang delegado sang Western Visayas.
Sa impormasyon nga nakuha ni Bombo Arjay, 30 ka tuig ang ginhulat sang nasambit nga probinsya agud nga maka-host sang Palarong Pambansa.
Bangud sini kun sin-o man nga atleta sang nasambit nga probinsya ang makakuha sang gold medal kag maka-break sang record sa bisan ano nga sports even sa nasambit nga pahampang, makakuha ini sang P1 million.
Nahibaluan nga nagpadala na sang Bombo Patrol Reporter ang Bombo Radyo Bacolod sa Agusan del Sur para sa coverage sang Palarong Pambansa 2026.
Si Bombo Arjay kim Casipe, ang magaserbe nga Representative para sa mga Ilonggo stations sang Bombo Radyo sa Visayas.
Ang 66th Palarong Pambansa nga ginatawag man nga “2026 Palaro Tu Agsur” ang magasugod sa Mayo 24 kag magatakop sa Mayo 31.
Ang Bombo Radyo ang magacover sa pahampang halin sa opening tubtob sa closing ceremony.
18 ka mga rehiyon ang magapa-indis indis sa pagkuha sang pinakadamo nga gold medals sa 35 ka sport disciplines lakip na ang para-games, demonstration sports kag exhibition sports.
286 naman ang ginpadala sang Bacolod City nga representante para sa delegasyon sang Negros Island Region.
