Natalana nga patigayunon ang Regional Joint Security Control Center (RJSCC) meeting sa ciudad sang Bacolod subong nga adlaw, Pebrero 18.
Santo sa pahayag ni Negros Occidental Provincial Election Supervisor Atty. Ian Lee Ananoria, magapatigayon sila sang meeting subong nga adlaw kun sa diin magatambong diri si Commission on Elections Negros Island Regional Director Atty. Lionel Marco Castillano.
Suno kay Ananoria, i-finalize pa nila sa meeting kaupod ang secretariat sang Armed Forces of the Philippines kag Philippine National Police ang recommendation para sa green kag orange category kag ipaaprubahan sang mga ini.
Suno diri, subong pa mahibaluan kun ano nga color para sa category ibutang ang mga Local Government Units (LGUs) sa Negros Island Region.
Ang rekomendasyon ang magikan kay Ananoria kag aprubahan sang Regional Joint Security Control Center (RJSCC) antes ipasa sa national.
Sa nasambit man nga meeting mahibaluan kun may yara sang areas of concern may kaangtanan sa 2025 midterm elections.
Sa pihak nga bahin natalana naman nga magapatigayon sang Operation Baklas sa madason nga semana bangud may mga election officers nga nagapaidalom sa meeting.
Sa seguridad naman sa adlaw sang election, may yara sang duha ka personnel sang Philippine National Police ang ibutang sa tagsa ka polling centers agud nga magbantay samtang ang Philippine Army naman ang nagabantay sa peremeters.
Dugang pa sini nga ifinalize man nila ang contingency plan para sa 2025 midterm election ingkaso maglupok ang Bulkan Kanlaon.
