Nagpanaug sa ika-pito nga pwesto ang Negros Island Region – Visayan Vipers sa overall medal tally sang Palarong Pambansa 2026 matapos makakuha sang siyam ka gold, 12 ka silver, kag 9 ka bronze ukon may kabug-usan nga 30 ka mga medalya base sa partial kag unofficial results as of alas 5:00 sang aga, Mayo 29.
Samtang, nagapanguna gihapon ang National Capital Region (NCR) nga may 36 ka gold, 25 ka silver, kag 28 ka bronze kag may kabug-usan nga 89 ka mga medalya.
Ginsundan naman sang Region IV-A CALABARZON nga may 26 ka gold medals, 23 ka silver, kag 16 ka bronze.
Ang Western Visayas ang yara sa ikatatlo nga pwesto nga may 16 ka gold, 14 ka silver, kag 14 man ka bronze.
Nagasunod diri ang Central Visayas nga may 14 ka gold, 14 ka silver, kag 16 ka bronze.
Lakip man sa Top 10 ang: Central Luzon nga may 11 ka gold, 10 ka silver, kag 12 ka bronze; Bicol Region, 10 gold, 10 silver, kag 13 bronze; Cordillera Administrative Region, 7 gold, 9 silver, kag 8 bronze, Northern Mindanao 7 gold, 13 silver, kag 12 bronze; kag Ilocos Region, 7 gold, 9 silver, kag 8 bronze.
Nagapadayon pa ang kompetisyon sa nagkalain-lain nga sporting events sang Palarong Pambansa 2026.
