Nagpanindugan ang station commander sang Bacolod Police Station 1 nga padayunon ang pagpatuman sang “No Backpack Allowed” sa tanan nga festival sites sang Masskara Festival.
Sa interview sang Bombo Radyo Bacolod kay Police Major Elmer Bonilla, padayon sila nga magpatuman sang nasambit nga polisa.
Suno kay Bonilla, ang nasambit nga polisa nga pagdumili sang pagdala sang backpack sa festival sites ang adopted sa executive order sang alkalde sang ciudad.
Suno sa station commander indi man ini hussle sa mga festival goers bangud gingamit sang mga otoridad ang social media, mainstream ukon broadcast media para sa information dissemination angot sa nasambit nga polisa.
Dugang pa sini, ang nasambit nga polisa ang ginapatuman na sa sulod sang pila ka tuig nga pagsaulog sang Masskara.
Nagpanugyan man ini nga magsunod na lamang sa mga ginapatuman nga security measures bangud para man ini sa seguridad sang tanan.
