Ginkumpirmar sang Vice President and Chief Operating Officer sang Negros Electric and Power Corporation (NEPC) nga extended ang no disconnection policy santo sa mando sang Philippine Energy Regulatory Commission (ERC) nga nationwide para sa residential and non-residential consumers tubtob sa billing month sa Oktubre.
Sa interview sang Bombo Radyo Bacolod kay Engineer Joe-mel Zaporteza, ang Negros Power ang magasunod sa mando sang ERC nga indi magpatigayon sang disconnection sang nasambit nga billing period.
Suno kay Zaporteza, kun ang kunsumidor ang makabaton sang bill subong nga bulan kag maalang-alang sila sa pagbayad, indi pa ang mga ini mautdan sang connection sang kuryente..
Nagpanugyan man si Zaporteza sa publiko nga apisar nga may ginapatuman nga disconnection suspension kun may ikasarang nga magbayad, ibayran nalang ang bill para sa padayon nga operasyon sang utility.
Wala man sila sang surcharges nga ginasukot samtang in-effect pa ang No disconnection policy sang ERC.
Dugang pa sini nga santo man sa advisory sang ERC ang mga consumers nga nagakonsumo sang 200 kilowats panubo ang mahimo makaapply sang installment payment tubtob sa tatlo ka bulan.
