Magapatuman man sang ‘no segregation, no collection’ policy ang Barangay Tangub, Bacolod City sa bulan sang Enero, 2027.
Madumduman nga una na nga ginrelaunch sang Brgy Handumanan ang ‘no segregation, no collection’ policy sa ila anom ka mga Purok.
Sa interview sang Bombo Radyo kay Punong Brgy. Noli Villarosa sang Brgy Tangub, nakaplano na sila kaupod ang mga Brgy Kagawad nga sa Enero ipahibalo nila sa mga pumuluyo nga magseggregate sang ila basura.
Suno kay Villarosa, unahon nila ang mga subdivision kalakip na ang suludlolon nga mga lugar.
Sa pihak nga bahin, ginakasubo sang Punong Brgy. Nga ginpaybay-an sang International Solid Waste Integrated Management Specialists, Inc. (ISWIM) ang Barangay Tangub.
Suno kay Villorasa, kaangay nga nagasalig na lamang ang ISWIM bangud ang Barangau Tangub ang may kaugalingon nga truck.
Suno diri, dapat door to door gid ang pagkolekta sang ISWIM sang mga basura kalakip na sa mga suludlon nga mga lugar.
Suno sa Punong Brgy, puro pasalig lamang ang ISWIM kag ginapangabay man sini nga makigkoordinar ini sa ila angot sa pagkolekta sang mga basura.
Sa pihak sini, ginpanugyan ni Villarosa sa mga pumuluyo nga mangin responsable sa ila kaugalingon nga basura bangud paagi sini mapakita ang pagpalangga sa Barangay.
