Liwat nga iga-implementar sang Philippine National Police ang ‘No to Muzzle Taping’ sang firearms.
Sa interview sang Bombo Radyo Bacolod kay Police Regional Office 6 spokesperson Police Lt Col Arnel Solis, madugay na nga wala nagaconduct sang muzzle taping ang kapulisan bangod dako ang pagsalig sa mga personnel nga sila ang disiplinado.
Suno diri, wala man sang history nga may kapulisan nga nagpalupok nga wala sang pulos.
Kun magbayolar naman ang pulis, siya ang magapangatubang sang administrative case nga maka-apekto sa ila serbisyo.
Nagpanugyan naman ini nga kun may mahibalaun nga nagpalupok sang armas-luthang ang pulis, ini ang ireport agud mahatagan sang nagakaigo nga tikang.
Pahayag ni Solis, dapat mahatag sa publiko ang maayo nga serbisyo sang kapulisan.
