Amat-amat na nga na-implementar sa Negros Occidental Police Provincial Office ang 8 hours duty sang police personnel.
Sa interview sang Bombo Radyo Bacolod kay Negros Occidental Police Provincial Office spokesperson Police Captain Judesses Catalogo, halin sa 24 hours nga duty kag sundan nga 24 hours nga pahuway, sa karun amat-amat na nga na-implementar ang 8 hours duty per day basta indi lang madulaan sang pulis nga makit-an sa palibot.
Naumpisahan na inii sa mga component cities kag ginsuguran ang implementasyon sa personnel nga nagaconduct sang foot patrol kag mobile patrol.
May yara sang tatlo ka shifting sa sulod sang 24 oras kun sa diin ang buddy system personnel buslan sang masunod nga buddy system matapos ang walo ka oras.
Apang ini ang nahimo pa lamang sa mga police stations nga may husto nga numero sang police samtang ang iban ang gina-tinguhaan pa lang bangod sa limitado nga personnel.
