Nadismantle na ang mga drug groups sa probinsya nga ginamonitor sang Negros Occidental Police Provincial Office kag Philippine Drug Enforcement Agency (PDEA).
Sa interview sang Bombo Radyo kay Police Captain Judesses Catalogo, tagpamaba sang NOCPPO, may certification na nga nadismantle ang pila ka mga grupo bangud wala na ang mga ini naga-operate kag may pila naman nga ila pa gina-applyan.
Suno kay Catalogo, ila gintarget ang mga lider sang grupo kaangay na lamang sa babaye nga pinuno sang Bugalon Drug Group nga nadakpan sa Kabankalan sang tinalikdan nga tuig.
Sa karun ini ang nakahunong na kag napasakaan sang kaso.
Sa karun ila pa man ginamonitor ang Vertosio Drug Group kag Divinagracia Drug Group nga naglaylow na matapos napatay ang ila lider sa Manila.
Apisar nga nadismantle ang mga ini, ginamonitor nila ini sa gihapon bangud may mga remnants pa ini.
Suno kay Catalogo, wala man sila nagauntat sa monitoring kag pagpatigayon sang buybust operation.
