Ginpangunahan ni Negros Occidental Police Provincial Office Director Police Col. Rainerio De Chavez ang pagdispose sang
mga illegal nga mga palupok nga nakumpiskar sa ginpatigayon ang Ceremonial Disposal of Confiscated Illegal firecrackers, pyrotechnic devices kag boga sa NOCPPO Open Ground, Camp Alfredo M. Montelibano Sr., Barangay Estefania, Bacolod City subong nga adlaw, Enero 3, 2025.
May kabug-usan nga 10,595 pcs sang ilegal nga mga palupok ang gin-dispose gikan sa 21 ka ilegal nga operasyon sang palupok nga ginpatigayon sang tinalikdan nga Disyembre 16, 2024, tubtob Enero 3, 2025 nga ginabanta nagabalor sang P88,895.00.
Sa nasambit nga seremonya, ginpalapakan ang mga nakumpiskar nga “BOGA” gamit ang Firetruck sang Bureau of Fire Protection agud safe nga mahaboy ang mga hazardous devices.
Sa mensahe sang provincial director, ginhatagan sini sang importansya ang padayon nga dedikasyon kag promisa sang mga kapulisan kag mga lideres sang komunidad sa pag-uphold sang safety sang publiko paagi sa nasambit nga mga inisyatibo.
Ginpahayag man sini ang malig-on nga determinasyon sang NOCPPO nga padayunon ang pagtrabaho batok sa mga ilegal nga operasyon sang palupok kag proteksyonan ang mga pumuluyo gikan sa katalagman nga dala sang makatalagam nga mga materyales.
Ang Ceremonial Disposal ang gintambungan ni Mr. Mark Andrew Siervo, RN nga nangin tiglawas sang Department of Health, Deputy Provincial Director for Administration (DPDA) Plt. Col. Ariel C. Pico, Deputy Provincial Director for Operations (DPDO) Plt Col. Mark Evan P. Salvo, Provincial Fire Marshall sang Bureau of Fire Protection FSUPT Menandro B. Bastian, Explosive Ordniance Division, kag iban pa nga katapo sang NOCPPO Provincial Staff kag personnel.
