Nagpaandam ang Negros Occidental Police Provincial Office nga ginadumilian ang wala otoridad nga pagpamulang ukon ang mga sagwa sang legal cockfighting arena.
Sa interview sang Bombo Radyo Bacolod kay NOCPPO Spokesperson Police Captain Judesses Catalogo, pila na ka tuig nga ginsuguran ang mandato sa mga kapulisan sa pagdakop sa mga nagapatigayon sang illegal nga panahor bisan indi election period.
Gindumdom man sini nga bisan sa online betting ukon e-sabong, ginakinahanglan ang certification.
Paathag ni Catalogo nga bisan piyesta, kinahanglan nga magpangayo sang approval sa pagpatigayon sang bulang gikan sa local government units kag ini ang dapat patigayunon sa gintalana nga legal cockfighting arena.
Pahanumdom sini nga ang bulang sa kilid-kilid ukon sa gwa sang legal cockpit, ang ginakonsiderar nga illegal kag ila nga ginaregulate.
