Nagapreparar na ang Negros Occidental Police Provincial Office sa patigayunon Alyansa para sa Bagong Pilipinas rally diri sa probinsya.
Suno kay Police Colonel Rainerio de Chavez, provincial director sang NOCPPO, wala pa nahibaluan kun diin ang exact venue sang kampanya para sa senatorial candidates.
Suno diri, posible nga patigayunon ini sa ciudad sang Bacolod ukon sa ciudad sang Victorias.
Nagakoordinar naman ini sa karun kay Bacolod City Police Office Director Police Col. Joeresty Coronica pananglitan nga sa Bacolod hiwaton ang rally.
Samtang, magapatigayon pa sang meeting ang alkalde sang Victorias nga si Javier Miguel Benitez angot diri.
Nagpasalig naman ini nga may naplano na nga security plan apisar nga wala pa man sila sang may nabaton nga instruction.
