Nagpaandam ang Negros Occidental Police Provincial Office (NOCPPO) sa nagasaka nga numero sang kaso sang pagpangmodus.
Suno kay Police Captain Judesses Catalogo, Public Information Officer sang NOCPPO, sa karun nga natapos na ang milling season kag manugbukas na ang klase amo man nga nagapangita ang mga nagapangsalisi sang pamaagi.
Suno diri, kalabanan sa mga suspek nga nagapangmodus mga pangayaw lang sa lugar kun diin sila nagapang-into.
Suno kay Catalago, may nagapangmodus gamit ang GCash kun sa diin ginahulam ang cellphone sang biktima kag ginakuha ang ila kwarta sa mobile wallet kag kun matapos na ang transaction, ginadelete ang record agud indi mahibaloan kun diin ginpasa ang kwarta.
Dugang pa sini, kalabanan sa ginabiktima sang mga nagapangmodus amo ang mga katigulangan ukon ang mga indi maayo nakahibalo maggamit sang mobile wallet.
Pahayag ni Catalogo, ang pagbutang sang CCTV makabulig agud matrace ang suspek para mapasakaan sang kaso.
