Nagpanguna ang Negros Occidental Police Provincial Office (NOCPPO) sa Performance Evaluation Rating sa bulan sang Hunyo sa bug-os nga Western Visayas.
Sa interview sang Bombo Radyo Bacolod kay Police Capt. Wilma Silva, spokesperson sang Negros Occidental Police Provincial Office (NOCPPO), nagapasalamat ini sa tanan nga mga kapulisan sa idalom sang Negros Occidental Police Provincial Office nga naghimo gid sang ila nga mga katungdanan agud nga sila ang magpanguna sa Performance Evaluation Rating sa tanan nga police units sa Police Regional Office 6.
Suno kay Silva, ang PRO-6 ang ginabug-usan sang anum ka mga police provincial offices nga ginalakilan sang Aklan Police Provincial Office, Capiz Police Provincial Office, Antique Police Provincial Office, Iloilo Police Provincial Office, Negros Occidental Police Provincial Office kag Guimaras Police Provincial Office samtang ang duha ka mga City Police Offices ang ginalakipan sang Bacolod City Police Office kag Iloilo City Police Office kun sa diin ang Negros Occidental Police Provincial Office ang nagpanguna sa performance evaluation rating.
Suno kay Silva, nakabaton man ang bug-os nga mga kapulisan sa Negros Occidental sang pagpanginbulahan nagikan sa regional director sang PRO-6 sa award nga nabaton.
Suno diri, ang award ang nagapakita nga ginatuman sang mga kapulisan ang ila nga mga ginsumpaan nga katungdanan sang insakto bisan pa nga delikado.
