Gin-athag sang spokesperson sang Negros Occidental Police Provincial Office (NOCPPO) nga ulihi na nabaton sang mga kapulisan sa Calatrava ang report nga may ginpatay sa Sitio Upper Ikugan, Barangay Minapasuk, banwa sang Calatrava.
Sa interview sang Bombo Radyo Bacolod kay Police Captain Judesses Catalogo, ulihi na nila nga nabal-an nga may ginpatay sa nasambit nga lugar.
Suno kay Catalogo, ang tinutuyo sang mga kapulisan nga nagpadulong sa Sitio Ikugan ang magserbe sang warrant of arrest sa mga high ranking officials sang New People’s Army.
Bangud sa intelligence report nga ila nabaton, ginkuha sang mga kapulisan ang kahigayunan agud nga magserbe sang warrant of arrest apang ginakasubo sini nga antes pa man matigayon ang operasyon, natabo ang engkwentro kun sa diin isa sa personnel sang Calatrava Municipal Police Station kag nasamaran naman ang duha.
