Pabor ang Negros Occidental Police Provincial Office nga ipaidalum sa drug testing ang mga elected officials sa magaabot nga Barangay kag Sagguniang kabataan elections.
Sa interview sang Bombo Radyo kay NOCPPO spokesperson Police Captain Judesses Catalogo, isa ka positibo nga butang para sa ila nga kampanya batok sa illegal nga druga, ang pagpadrug test sa mga elected officilas agud ila mahibaluan kun sin-o man ang imbulbado sa druga.
Suno diri, kun ini ang matigayon, may yara sang assurance ang Philippine National Police nga sila may yara sang kaupod sa pagtapna sang illegal nga druga.
Pahayag ni Catalogo, mabudlay para sa mga kapulisan mag-implementar sang anti-illegal drug campaign kun mismo ang kontra nila ang may yara sang posisyon sa gobyerno.
Gani pabor ini sa drug testing para sa mga elected officials agud diretso ang ila kampanya nga sila may kaupod nga may yara sang kaangay nga adbokasiya.
Ginalauman sini nga matigayon ang drug testing sa tanan nga elected officials agud mahilway sa druga ang talatapan sang gobyerno.
