NOCPPO: wala sang nabatun nga report angot sa pagpamahog sa kabuhi sang mga kandidato sa May 2025 elections sa Neg Occ

Ginpahayag sang Negros Occidental Police Provincial Office (NOCPPO) nga wala sang may nareport nga may pagpamahog sa kabuhi sang mga election candidates’ para sa May 2025 election.

Sa interview sang Bombo Radyo Bacolod kay Police Captain Judesses Catalogo, spokesperson sang NOCPPO, padayon ang monitoring ang NOCPPO sa mga nagabayolar sang COMELEC checkpoint kag gun ban.

Suno diri, samtang nagahilapit ang eleksyon, wala man sang may nareport nga may mga threats sa kapin sa 200 ka mga magapapili sa eleksyon sa probinsya sang Negros Occidental.

Napreparahan naman ang pagdeploy sang mga personnel sa pagsecure sa mga election officers kag election paraphernalia.