BACOLOD CITY — Naserbe na sang Office of the Building Official ang notice of violation sa pila ka mga eskwelahan sa ciudad sang Bacolod nga wala sang building permit kag occupancy permit apang ginagamit na bilang hulot-klasehan.
Suno kay OBO head Engr. Isidro Sun, 11 ka mga eskwelahan ang yara sa listahan nga may yara sang kaangay sini nga bayolasyon.
Kahapon, ginserbe na ang notice of violation sa Negros Occidental High School kag mismo ang assistant principal ang nagbaton sang kopya.
Suno kay Sun, wala sang building permit kag occupancy permit ang bag-o nga 4-storey building sa NOHS.
Mismo si Sun ang nagserbe sang NOV sa eskwelahan.
Nagpasalamat naman ang opisyal sang buluthuan bangud madugay naman sila nga nagareklamo sa linya sang kuryente sang Central Negros Electric Cooperative diri kag nagareklamo man sa DPWH sa kakulang sang nagakaigo nga permit.
Nagbalibad si Sun nga hingadlan ang mga eskwelahan sa listahan apang matapos na serbe ang NOV suno sa iya sa masunod nga semana.
Isa sa mga pagaserbehan amo ang Bacolod City National High School bangud wala sang building permit kag occupancy permit ang bag-o nga mga school buildings nga ginpatindog diri sang DPWH kag DepEd apang ginagamit na.
