Non-Government Organizations members nga nagasuporta sa makawala nga grupo, ginpasakaan sang kaso

Ginpasakaan sang kaso ang pila ka miyembro sang Non-Government Organizations matapos nga matukiban nga nagasuporta sa makawala nga grupo.

Sa interview sang Bombo Radyo Bacolod kay Police Lt. Col. Arnel Solis, tagpamaba sa Police Regional Office 6, nakit-an sang enforcement agencies ang bayolasyon sang lima ka mga persona sa paglapas sa RA 10168 ukon Terrorism Financing Prevention and Suppression Act of 2012.

Sila ang nagahatag sang kwarta agud masuportahan ang makawala nga grupo kag kun kaisa nagapaggamit sang ila lugar kun sa diin temporaryo nga matinir ang rebelde.

Ang lima ang nakahunong na sa karun diri sa probinsya sang Negros Occidental samtang indi pa ma-divulge ang mga identity nila.