Handom sang pinuno sang Negros Occidental Provincial Police Office (NOPPO) nga maclear sa illegal nga droga ang mga barangay sa probinsya.
Sa press conference nga ginpatigayon ni Police Colonel Romeo Baleros, tinutuyo sini nga maclear ang tanan nga drug affected barangays antes siya magretiro anum ka bulan halin subong.
Sa karun suno kay Baleros, 64 pa lang ka barangay ang nadeklarar nga drug cleared apang handum sini nga matalaptap ang 601 barangays.
Isa sa ginaduso ni Baleros nga may isa ka barangay nga maclear sa tagsa ka nasakupan sang police station kada bulan kag ini ang iya ginapahanumdum sa Deputy Provincial Director for Administration.
Suno sa NOPPO Director, dapat nga makig-angot ang DPDA sa mga barangay anti-drug abuse council agud mahatagan sang ideya sa pagconduct sang operasyon.
