Hugot man nga ginapatuman sang Negros Occidental Police Provincal Office (NOPPO) ang kampanya kontra sa iligal nga sugal.
Ini ang pahayag ni NOPPO Director, Police Colonel Romeo Baleros kasunod man sang mando ni Philippine National Police (PNP) Chief Archie Gamboa nga dakpon ang mga nagasakdag sang illegal gambling.
Ginapahanumdom man sang NOPPO Director sang iya mga personnel nga sundon ang “No Take Policy” ukon indi magbaton sang payola gikan sa illegal gambling.
Suno sa NOPPO Director, wala na sang madamo nga istorya kundi iduso sini ang dismissal sa pulis nga mapamatud-an nga nagabaton sang payola gikan sa iligal nga sugal.
Sa pihak nga bahin, wala sang na-monitor si Baleros nga mga nag-AWOL nga pulis sa Negros Occidental nga nagasulod sa iligal nga druga.
