Ginpasalig sang Negros Occidental Police Provincial Office nga wala sila nagauntat sa pagpatigayon sang scientific study agud nga icombat ang New People’s Army (NPA).
Madumduman nga sang Enero 14, dakop ang gina-alegar miyembro sang New People’s Army sa ginpatigayon nga follow up operation sang 79th Infantry Battalion sang Philippine Army matapos nakapalagyo ang mga ini sa Hacienda Ambulong, Barangay San Fernando, Talisay City nagligad nga Enero 13.
Suno kay P/Lt. Abegael Donasco, deputy spokesperson sang NOCPPO, ginpahayag sini nga kada semana nagapatigayon sila sang enhance managing police operations agud nga mahibaluan nila ang tactics kag kun ano ang pagahimuon agud nga ma-combat ang NPA.
Magluwas diri, mas ginpabaskog pa gid nila ang ginapatigayon nila nga checkpoint operations agud nga mabuhinan ang krimen nga nagaluntad sa probinsya.
