Naghimo ang Negros Occidental Provincial Police Office sang contact tracing form agud nga magamit sa contact tracing sa mga nakapalapit sa mga positibo sa coronavirus disease 2019 (COVID-19).
Suno kay NOPPO director Police Col. Romeo Baleros, sang Biyernes nagsugod ang pagpanghatag sang contact tracing form agud indi na kinahanglan nga mag-face to face sa mga positibo.
Nakabutang sa forms ang mga pamangkot kaangay sang travel history sang mga nagpositibo kag ang tanan nga gin-agyan sini nga proseso antes maglab-ot sa quarantine facility sa EB Magalona.
Matapos nga mafill-out ang form, dayun ini nga pagapicturan kag ipasa sa natungdan agud nga ma-record sa database.
Amo man ang proseso para sa mga PUM kag PUI agud nga indi na malatnan ang mga katapo sang contact tracing team.
Ang contact tracing team ang ginalakipan sang Provincial Investigation and Detective Management Unit, miyembro sang Provincial Disaster Risk Reduction Management Office kag miyembro sang Provincial Intelligence Unit.
May yara man sang contact tracing team ang mga Police Stations sa mga siyudad kag banwa sa Negros Occidental.
Naghingyo man si Baleros nga indi gid pagbutigan sang mga pasyente ang pagsabat sa pormas.
